SPORT MUSOBAQALARI ORQALI BIRLASHGAN YOSHLAR
Qashqadaryo viloyatida joriy yilning 20-21 fevral kunlari, 16-17 yoshdagi o‘smirlar,18 yosh va undan kattalar o‘rtasida, Qarshi shahridagi Gimnastika saroyi sport zalida, sportning aralash jang sanʼatlari MMA turi bo‘yicha, viloyat birinchiligi uchun musobaqa o‘tkazildi. Unda 18 ta vazn toifasida 100 ga yaqin sportchilar ishtirok etdilar. Murosasiz janglar ostida o‘tgan mazkur musobaqa yakuniga ko‘ra, 70 va 90 kg vaznlar toifasida yuqori o‘rinlarni Milliy gvardiya Qo‘riqlash boshqarmasining harbiylashtirilgan bo‘linmasi xodimlari qo‘lga kiritgan bo‘lsa, qolgan 16 ta vazn bo‘yicha viloyatning sportga ishtiyoqi baland yoshlari o‘z mahoratlarini namoyish etishdi. Musobaqa yakunida g‘oliblikni qo‘lga kiritgan va faol ishtirok etgan sportchilar Aralash jang sanʼati MMA Qashqadaryo viloyat hududiy bo‘limi assotsiatsiyasi tomonidan munosib taqdirlandilar.
