СПОРТ МУСОБАҚАЛАРИ ОРҚАЛИ БИРЛАШГАН ЁШЛАР
Қашқадарё вилоятида жорий йилнинг 20-21 февраль кунлари, 16-17 ёшдаги ўсмирлар,18 ёш ва ундан катталар ўртасида, Қарши шаҳридаги Гимнастика саройи спорт залида, спортнинг аралаш жанг санъатлари ММА тури бўйича, вилоят биринчилиги учун мусобақа ўтказилди. Унда 18 та вазн тоифасида 100 га яқин спортчилар иштирок этдилар. Муросасиз жанглар остида ўтган мазкур мусобақа якунига кўра, 70 ва 90 кг вазнлар тоифасида юқори ўринларни Миллий гвардия Қўриқлаш бошқармасининг ҳарбийлаштирилган бўлинмаси ходимлари қўлга киритган бўлса, қолган 16 та вазн бўйича вилоятнинг спортга иштиёқи баланд ёшлари ўз маҳоратларини намойиш этишди. Мусобақа якунида ғолибликни қўлга киритган ва фаол иштирок этган спортчилар Аралаш жанг санъати ММА Қашқадарё вилоят ҳудудий бўлими ассоциацияси томонидан муносиб тақдирландилар.
