“Temurbeklar maktabi” harbiy-akademik litseylari o‘quvchilari o‘rtasida “Amir Temur avlodlari” idoralararo harbiy-sport tanloviga start berildi
Milliy gvardiya Toshkent “Temurbeklar maktabi” harbiy-akademik litseyida “Temurbeklar maktabi” harbiy-akademik litseylari o‘quvchilari o‘rtasida “Amir Temur avlodlari” idoralararo harbiy-sport tanloviga start berildi.
Marosimda, O‘zbekiston Respublikasi Milliy gvardiyasi qo‘mondonligi, Yoshlar ishlari agentligi vakillari, Ichki ishlar, Mudofaa, Favqulodda vaziyatlar vazirliklari va Davlat xavfsizlik xizmati “Temurbeklar maktabi” harbiy-akademik litseylari jamoalari hamda masʼullari ishtirok etdi.
Davlat madhiyasining tantanali ijrosidan so‘ng, Milliy gvardiya qo‘mondoni o‘rinbosari S.Mamayusupov nutq so‘zlab, ishtirokchilarga bellashuvlarda muvaffaqiyat va omad tiladi.
Shuningdek, tantanali tadbirda alohida namunali ko‘rgazmali harbiy orkestr, faxriy qorovul harbiy xizmatchilari, Harbiy musiqa akademik litsey o‘quvchilari tomonidan ko‘rgazmali va musiqiy chiqishlar namoyish etildi.
Shundan so‘ng, jamoalar o‘rtasida qiziqarli bahslarga start berildi. Dastlab sportchilar estafeta shartida g‘oliblik uchun kurash olib bordi. Voleybol bo‘yicha bellashuvlar bo‘lsa chinakam haqiqiy mardlik va matonat sinovi, halol va keskin bellashuvlar maydoniga aylandi. Qurolni to‘liq va noto‘liq qismlarga ajratishda yosh harbiylar juda ishonchli harakat qildi.
Musobaqalar yana ikki kun davomida bo‘lib o‘tadi.
