O’ZBEKISTON RESPUBLIKASI MILLIY GVARDIYASI VA O’ZBEKISTON KIKBOKSING ASSOSIASIYASI O’RTASIDA MEMORANDUM IMZOLANDI
O‘zbekiston Respublikasi Milliy gvardiyasi va O‘zbekiston Kikboksing Assosiasiyasi o‘rtasida o‘zaro faoliyatlarni qo‘llab-quvvatlash va hamkorlik aloqalarni yo‘lga qo‘yish to‘g‘risidagi memorandum imzolandi.
Xususan, mazkur uchrashuvda Milliy gvardiya qo‘mondoni general-mayor R.Djuraev va O‘zbekiston Kikboksing Assosiasiyasi prezidenti A. Narmetovlar ishtirok etib, tomonlar Xalqaro Assosiasiyasi tomonidan “Kikboksing” sport turini Olimpiya o‘yinlariga kiritish bo‘yicha berilgan taklif joriy yilda Yaponiyada o‘tkazilishi rejalashtirilgan Olimpiadada ijobiy tomonga ko‘rib chiqilishiga va ushbu sport turining nufuzi yanada oshishiga ishonch bildirildi.
Mazkur memorandum kelgusida Milliy gvardiya bo‘linmalarida “Kikboksing” sport turini ommalashtirish, yoshlarimizni hamda tizim harbiy qismlariga chaqirilgan muddatli harbiy xizmatchilarni ushbu sport turiga keng jalb etish, iste'dodli yoshlarni saralab olish va xalqaro musobaqalarga tayyorlash, shuningdek ularni kelgusida Milliy gvardiyada xizmat qilishda zamin yaratishga karatilgan bo‘lib, O‘zbekiston Respublikasi Milliy gvardiyasi va O‘zbekiston Kikboksing Assosiasiyasi o‘rtasidagi hamkorlikni yangi bosqichga olib chiqadi.
Eslatib o‘tamiz, O‘zbekiston Respublikasi Milliy gvardiyasi:
1. Yoshlar ishlari agentligi, Milliy olimpiya qo‘mitasi, Sport kurashlari assosiasiyasi hamda Dzyudo federatsiyasi,
2. Xalqaro qo‘l jangi federatsiyasi,
3. O‘zbekiston Djit-Kun-Do Federatsiyasi,
4. O‘zbekiston zamonaviy beshkurash federatsiyasi hamda O‘zbekiston polo federatsiyasi
5. O‘zbekiston Uloq-ko'pkari Federatsiyalari bilan o‘zaro hamkorlik memorandumlari imzolangan.
