ЎЗБЕКИСТОН РЕСПУБЛИКАСИ МИЛЛИЙ ГВАРДИЯСИ ВА ЎЗБЕКИСТОН КИКБОКСИНГ АССОЦИАЦИЯСИ ЎРТАСИДА МЕМОРАНДУМ ИМЗОЛАНДИ
Ўзбекистон Республикаси Миллий гвардияси ва Ўзбекистон Кикбоксинг Ассоциацияси ўртасида ўзаро фаолиятларни қўллаб-қувватлаш ва ҳамкорлик алоқаларни йўлга қўйиш тўғрисидаги меморандум имзоланди.
Хусусан, мазкур учрашувда Миллий гвардия қўмондони генерал-майор Р.Джураев ва Ўзбекистон Кикбоксинг Ассоциацияси президенти А. Нарметовлар иштирок этиб, томонлар Халқаро Ассоциацияси томонидан “Кикбоксинг” спорт турини Олимпия ўйинларига киритиш бўйича берилган таклиф жорий йилда Японияда ўтказилиши режалаштирилган Олимпиадада ижобий томонга кўриб чиқилишига ва ушбу спорт турининг нуфузи янада ошишига ишонч билдирилди.
Шунингдек, жорий йилнинг июль ойи давомида мазкур спорт тури бўйича Миллий гвардия ҳудудий бошқарма бошлиқлари Кубоги мусобақаларини ўтказишга келишиб олинди.
Мазкур меморандум келгусида Миллий гвардия бўлинмаларида “Кикбоксинг” спорт турини оммалаштириш, ёшларимизни ҳамда тизим ҳарбий қисмларига чақирилган муддатли ҳарбий хизматчиларни ушбу спорт турига кенг жалб этиш, истеъдодли ёшларни саралаб олиш ва халқаро мусобақаларга тайёрлаш, шунингдек уларни келгусида Миллий гвардияда хизмат қилишда замин яратишга каратилган бўлиб, Ўзбекистон Республикаси Миллий гвардияси ва Ўзбекистон Кикбоксинг Ассоциацияси ўртасидаги ҳамкорликни янги босқичга олиб чиқади.
Эслатиб ўтамиз, Ўзбекистон Республикаси Миллий гвардияси:
1. Ёшлар ишлари агентлиги, Миллий олимпия қўмитаси, Спорт курашлари ассоциацияси ҳамда Дзюдо федерацияси,
2. Халқаро қўл жанги федерацияси,
3. Ўзбекистон Джит-Кун-До Федерацияси,
4. Ўзбекистон замонавий бешкураш федерацияси ҳамда Ўзбекистон поло федерацияси,
5. Ўзбекистон Улоқ-кўпкари Федерациялари билан ўзаро ҳамкорлик меморандумлари имзоланган.
