Toshkent shahrida atmosfera havosini ifloslanishini oldini olish va ekologik vaziyatni yaxshilashga qaratilgan chora-tadbirlar davom ettirilmoqda
Mazkur yoʻnalishdagi ishlar Toshkent tumanida davom ettirilib, mahallalar kesimida amalga oshirilayotgan reyd tadbirlari mobaynida hududlarda mavjud issiqxonalarning ekologiya hamda atmosfera muhofazasi qoidalariga amal qilinmaslik holatlari aniqlanmoqda.
Xususan, joriy yilning 28-29 noyabr kunlari Milliy gvardiya, IIB, FVV, Prokuratura va Ekologiya qoʻmitasi xodimlari hamkorligida Toshkent tumani boʻylab oʻtkazilgan reyd tadbirlari davomida 26 ta mahalla hududidagi 32 ta issiqxonalar faoliyati oʻrganildi.
Shulardan issiqxonalarni isitish qozonlariga filtrlarni oʻrnatmaganligi natijasida atmosfera havosini ifloslantirayotganligi hamda ekologiya va atrof-muhitni muhofaza qilish sohasidagi huquqbuzarliklar uchun 25 ta issiqxona egalariga nisbatan (MJtKning 56-m.– 1 ta, MJtKning 881-m. – 14 ta, MJtKning 911-m. – 5 ta MJtKning 95-m.– 5 ta) maʼmuriy bayonnomalar rasmiylashtirildi. Shuningdek, 6 ta issiqxonaning isitish qozonlarida filtri mavjud emasligi hamda talabga javob bermasligi sababli issiqxonalar faoliyati vaqtincha toʻxtatildi.
Ushbu yoʻnalishdagi ishlar davom ettirilmoqda.
