Тошкент шаҳрида атмосфера ҳавосини ифлосланишини олдини олиш ва экологик вазиятни яхшилашга қаратилган чора-тадбирлар давом эттирилмоқда
Мазкур йўналишдаги ишлар Тошкент туманида давом эттирилиб, маҳаллалар кесимида амалга оширилаётган рейд тадбирлари мобайнида ҳудудларда мавжуд иссиқхоналарнинг экология ҳамда атмосфера муҳофазаси қоидаларига амал қилинмаслик ҳолатлари аниқланмоқда.
Хусусан, жорий йилнинг 28-29 ноябр кунлари Миллий гвардия, ИИБ, ФВВ, Прокуратура ва Экология қўмитаси ходимлари ҳамкорлигида Тошкент тумани бўйлаб ўтказилган рейд тадбирлари давомида 26 та маҳалла ҳудудидаги 32 та иссиқхоналар фаолияти ўрганилди.
Шулардан иссиқхоналарни иситиш қозонларига фильтрларни ўрнатмаганлиги натижасида атмосфера ҳавосини ифлослантираётганлиги ҳамда экология ва атроф-муҳитни муҳофаза қилиш соҳасидаги ҳуқуқбузарликлар учун 25 та иссиқхона эгаларига нисбатан (МЖтКнинг 56-м.– 1 та, МЖтКнинг 881-м. – 14 та, МЖтКнинг 911-м. – 5 та МЖтКнинг 95-м.– 5 та) маъмурий баённомалар расмийлаштирилди. Шунингдек, 6 та иссиқхонанинг иситиш қозонларида фильтри мавжуд эмаслиги ҳамда талабга жавоб бермаслиги сабабли иссиқхоналар фаолияти вақтинча тўхтатилди.
Ушбу йўналишдаги ишлар давом эттирилмоқда.
