Farg‘ona viloyatida katta miqdordagi sertifikatlanmagan dori vositalari va tamaki mahsulotlari savdosining oldi olindi
Joriy yilning 13 fevral kuni Farg‘ona viloyati bojxona boshqarmasi Kontrabandaga qarshi kurashish bo‘limi xodimlari, Milliy gvardiya harbiy xizmatchilari, viloyat DXX hamda viloyat IIB xodimlari bilan hamkorlikda tezkor-tadbir o‘tkazildi
Tadbir davomida 1989 yilda Uchko‘prik tumanida tug‘ilgan T.M boshqaruvidagi shubhali “Cobalt” rusumli avtomashina Uchko‘prik tumani avtoshox bekati yaqinida maqsadsiz to‘xtab turgan vaqtida xolislar ishtirokida ko‘zdan kechirilganda avtomashina yukxonasi va salonida xorijda ishlab chiqarilgan, bojxona rasmiylashtiruvidan o‘tganligini tasdiqlovchi hujjatlari bo‘lmagan umumiy qiymati 557 760 000 so‘mlik 3 turdagi 21 288 dona dori vositalari borligi aniqlandi.
Shundan so‘ng, fuqaro T.M.ning ko‘rsatmasiga asosan tezkor-tadbir davom ettirilib, 1977 y.t.K.M.ning yashash xonadoni oila aʼzolari va xolislar ishtirokida ko‘zdan kechirilganda xonadon qozonxonasida muqaddam bojxona nazoratidan chetlab olib kirilgan, xorijda ishlab chiqarilgan, aksiz markalari bo‘lmagan umumiy qiymati 449 800 000 so‘mlik jami 22 490 quti "ESSE Change" nomli tamaki mahsulotlari borligi aniqlandi.
Hozirda mazkur holat yuzasidan surishtiruv ishlari Farg‘ona viloyati Bojxona boshqarmasi tomonidan olib borilmoqda.
