Фарғона вилоятида катта миқдордаги сертификатланмаган дори воситалари ва тамаки маҳсулотлари савдосининг олди олинди
Жорий йилнинг 13 февраль куни Фарғона вилояти божхона бошқармаси Контрабандага қарши курашиш бўлими ходимлари, Миллий гвардия ҳарбий хизматчилари, вилоят ДХХ ҳамда вилоят ИИБ ходимлари билан ҳамкорликда тезкор-тадбир ўтказилди
Тадбир давомида 1989 йилда Учкўприк туманида туғилган Т.М бошқарувидаги шубҳали "Cobalt" русумли автомашина Учкўприк тумани автошох бекати яқинида тўхтаб турган вақтида холислар иштирокида кўздан кечирилганда автомашина юкхонаси ва салонида хорижда ишлаб чиқарилган, божхона расмийлаштирувидан ўтганлигини тасдиқловчи ҳужжатлари бўлмаган умумий қиймати 557 760 000 сўмлик 3 турдаги 21 288 дона дори воситалари борлиги аниқланди.
Шундан сўнг, фуқаро Т.М.нинг кўрсатмасига асосан тезкор-тадбир давом эттирилиб, 1977 й.т.К.М.нинг яшаш хонадони оила аъзолари ва холислар иштирокида кўздан кечирилганда хонадон қозонхонасида муқаддам божхона назоратидан четлаб олиб кирилган, хорижда ишлаб чиқарилган, акциз маркалари бўлмаган умумий қиймати 449 800 000 сўмлик жами 22 490 қути "ESSE Change" номли тамаки маҳсулотлари борлиги аниқланди.
Ҳозирда мазкур ҳолат юзасидан суриштирув ишлари Фарғона вилояти Божхона бошқармаси томонидан олиб борилмоқда.
