Куни кеча Миллий гвардия Тошкент “Темурбеклар мактаби” ҳарбий-академик лицейида ёшларни ватанпарварлик руҳида тарбиялаш самарадорлигини ошириш мақсадида “Ватан – улуғ, бурч - муқаддас  ” шиори остида “Уч авлод учрашуви” тадбири бўлиб ўтди.

Учрашувга Миллий гвардия Темурбеклар мактабининг илк битирувчилари бўлган Ўзбекистон Республикаси Олий мажлиси Қонунчилик палатаси депутати, Миллий гвардияси фахрийлар марказий кенгаши аъзолари ҳамда Миллий гвардия Марказий девони мутасадди вакиллари ташриф буюришди.

Очиқ мулоқот тарзида ўтказилган учрашувда фахрий устозлар ёшларни миллий ғоя ва Ватанга садоқат руҳида тарбиялаш, уларнинг қалби ва онгига Ватан ҳимояси шарафли ва муқаддас бурч эканини чуқур сингдириш, қадимий тарихимиз ва маданиятимиз, жонажон Ватанимизнинг мустақиллиги ва равнақи йўлида фидокорона курашган миллий қаҳрамонларимиз билан фахрланиш, уларга муносиб бўлиш туйғусини шакллантириш, миллий армиямизнинг қудрати ва салоҳиятига бўлган ишончни кучайтириш борасида ўзларининг тажрибаларидан ва узоқ йиллар мобайнида эришган билим ва кўникмалари ҳақида ўртоқлашдилар.

Ўзаро эркин ва очиқ мулоқот тарзида кечган мазкур тадбирда ўқувчилар ўз фикрлари билан ўртоқлашиб, учрашув қизғин муҳокамаларга айланди.

Шунингдек, тадбир давомида Миллий гвардия Темурбеклар мактабининг иқтидорли ўқувчи  ёшлари ўзларининг  дилтортар куйлари орқали барча тадбир иштирокчиларига ўзгача кўтаринки кайфият улашишди.  Тадбир якунида ёшларни ватанпарварлик руҳида тарбиялашда жонбозлик кўрсатиб келаётган фахрий устозлар ташаккурномалар билан муносиб тақдирландилар.

Ҳақиқатдан ҳам, ватанпарварлик туйғусини ўсиб келаётган ёш авлодларимизга чуқур сингдириш ҳар томонлама, ҳам жисмоний, ҳам маънавий жиҳатдан лойиқ бўлишликни яхши англатади. Келгусида ана шу сифат ва ҳислатларни эгаллашга доимо ҳаракат қиладилар.  Келажак авлодларимиз юрт ҳимояси нақадар улкан вазифамиз эканини қалбдан ҳис қиладилар ва бунга қаттиқ бел боғлаган ватанпарварлар бўлиб камол топадилар.