O‘zbekiston mezbonligida Markaziy Osiyoning Qozog‘iston, Qirg‘iziston va Tojikistonning eng kuchli 10 ta jamoalari ishtirokidagi “Buyuk Ipak yo‘li” Armiya va Politsiya voleybol chempionati bo’lib o’tdi va unda Milliy gvardiya jamoasi faxrli o’rinni egalladi.
Yangi Namangan tumanidagi “Pahlavon” sport majmuasida CAVA “Buyuk Ipak yo‘li” Army and Police Volleyball Championship xalqaro turniri o‘tkazildi. Bir hafta davom etgan keskin va murosasiz bellashuvlar o‘z yakuniga yetib, musobaqaning eng kuchli jamoalari aniqlandi.
Musobaqa natijalariga ko‘ra:
1-o‘rin — “Matonat” (DXX)
2-o‘rin — “Humo” (IIV)
3-o‘rin — “Gvardiya” (MG)
Milliy gvardiya jamoasi musobaqa davomida o‘zining jipsligi, qat’iyati va professional mahoratini namoyish etib, faxrli o‘rinlardan birini egalladi.
Tadbir so‘ngida g‘olib va sovrindor jamoalarga tashkilotchilar tomonidan maxsus kuboklar, sertifikatlar, medallar hamda esdalik sovg‘alari topshirildi.
Mazkur nufuzli turnir Markaziy Osiyo davlatlari o‘rtasida sport sohasidagi hamkorlikni mustahkamlash, do‘stona aloqalarni rivojlantirish hamda voleybol sport turini yanada ommalashtirishda muhim ahamiyat kasb etadi.
