12 APREL – XALQARO AVIATSIYA VA KOSMONAVTIKA KUNI MUNOSABATI BILAN TASHKIL ETILGAN SAYOHAT
12 aprel – Xalqaro aviatsiya va kosmonavtika kuni munosabati bilan Milliy gvardiya MTT Markaziy bazasi mutasaddi rahbarlari va Sergeli tuman hokimligi bilan hamkorlikda Sergeli tumanida joylashgan 1-sonli Muruvvat internat uyi tarbiyalanuvchilari va 76-sonli umumtaʼlim maktabi o‘quvchilari uchun poytaxtimizda joylashgan Planetariyga ekskursiya uyushtirildi. U yerda o‘quvchi yoshlarga 1961 yil 12 aprel kuni rus kosmonavti Yuriy Gagarin insoniyat tarixida ilk marta koinotga parvoz qilganligi, ushbu sana 1968 yildan buyon Jahon aviatsiya va kosmonavtika kuni sifatida keng nishonlanib kelayotgani hamda hozirgi paytda ushbu sohaning qay darajada taraqqiy etganligi bo‘yicha maʼlumotlar berildi. Shuningdek, fazogirlar kuniga bag‘ishlangan davra suhbati so‘ngida koinot haqida film namoyish etildi.
Planetariy muzeyi o‘quvchilarda katta qiziqish uyg‘otib, bolajonlarga bir olam taassurotlar baxshida etdi. Ekskursiya yakunida bolajonlarga Milliy gvardiya MTT bazasi harbiy xizmatchilari tomonidan esdalik sovg‘alari taqdim etildi.
