“Qalqon” guruhi jamoalari o‘rtasida “Ko‘pkurash” sport musobaqasi o‘tkazildi
Milliy gvardiya Xorazm viloyati bo‘yicha boshqarmasi, O‘zbekiston yoshlar ittifoqi Xorazm viloyat Kengashi tashabbusi bilan viloyatimizdagi barcha oliy taʼlim muassasalarida tashkil etilgan “Qalqon” guruhi jamoalari o‘rtasida “Ko‘pkurash” sport musobaqasi o‘tkazildi.
Mazkur sport musobaqasida talabalar turnikda tortilish, kamondan o‘q otish, arqon tortish, estafeta, qurolini yoyish va yig‘ish hamda shaxsiy himoya to‘plamini kiyish shartlari bo‘yicha bellashdilar
Musobaqa natijalariga ko‘ra:
1-o‘rinni Urganch davlat universiteti
2-o‘rinni RANCH texnologiya universiteti
3-o‘rinni Urganch davlat pedagogika universiteti egalladilar.
Shuningdek, yoshlarni vatanga sadoqat va muhabbat ruhida tarbiyalash, ular ongida vatanparvarlik tuyg‘usini shakllantirishga qaratilgan ushbu tadbirimizda Oliy taʼlim muassasalari talabalari, viloyat Sardorlar hamda Milliy gvardiya Xorazm viloyati bo‘yicha boshqarmasiga biriktirilgan yoshlari uchun qurol aslaha va maxsus vositalar ko‘rgazmasi ham tashkil etildi
Musobaqa g‘oliblari tashkilotchilar tomonidan diplom va etalik sovg‘alari bilan taqdirlandi.
