Andijon hamda Namangan viloyatlarida harbiy xizmatchi va xodimlarning farzandlariga imtiyozli tavsiyanomalar topshirildi.
Milliy gvardiya Andijon va Namangan viloyatlari bo‘yicha boshqarmalarida xizmat qilayotgan harbiy xizmatchi va xodimlarning farzandlari ishtirokida oliy o‘quv yurtlariga kirish uchun tavsiyanomalar topshirish marosimi bo‘lib o‘tdi.
Unda Respublika Xotin-qizlar va gender tenglik masalalari qo‘mitasi aʼzosi senator G.Marupova, O‘zbekiston Respublikasi Milliy gvardiyasi qo‘mondoni o‘rinbosari S.Mamayusupov, Respublika Harbiy prokuraturasi masʼul xodimi A.Abdurahmonovlar ishtirok etdi.
Tadbirda so‘z olganlar mamlakatimizda hozirgi kunda yoshlarni vatanparvarlik ruhida tarbiyalash borasida olib borilayotgan islohotlarga to‘xtalib o‘tib, yoshlarni tavsiyanoma olganliklari bilan samimiy tabriklashdi.
Shundan so‘ng,tizimda namunali xizmat qilayotgan 68 nafar harbiy xizmatchi va xodimlarning farzandlariga oliy taʼlim muassasalariga o‘qishga kirish uchun tavsiyanomalar taqdim etildi.
