“Harbiy-vatanparvarlik oyligi” doirasida Milliy gvardiya tizimida muddatli harbiy xizmatni o‘tayotgan askarlar va ularning ota-onalari bilan uchrashuvi tashkil etildi
Milliy armiyamizda olib borilayotgan tub islohotlar, muddatli harbiy xizmatchilar uchun yaratilgan sharoitlar va ijtimoiy himoyasi yo‘lida amalga oshirilgan qator chora-tadbirlar natijasida, bugun Qurolli Kuchlarimizga havas ko‘zi bilan boqayotgan minglab nigohlarni uchratamiz. Shu kabi maqsadlariga erishib, yigitlik burchini o‘tayotgan yurt posbonlari bugun o‘z mahallasiga tashrif buyurib, ota-onasi va yaqinlari bilan diydorlashishdi.
Tashkil etilgan navbatdagi uchrashuv farzandini sog‘ingan ota-onalar va aka-ukalarga chinakam bayramona tuhfa bo‘ldi. Qizg‘in suhbat davomida askarlar harbiy xizmatda erishgan yutuqlari, oldiga qo‘ygan yangi orzu-maqsadlari haqida yaqinlariga so‘zlab berdi.
Vatanimiz tinchligini himoya qilayotgan mard askarlar safida farzandi ham xizmat qilayotganligidan faxrlanayotgan ona ko‘zlarida quvonch yoshlari bilan dil so‘zlarini izhor qildi.
Uchrashuv unutilmas, quvonchli lahzalarga boy bo‘ldi.
