Bektemir tumanidagi narkologiya klinikasi bemoriga giyohvandlik moddasini olib kirmoqchi bo‘lgan shaxs qo‘lga olindi.
Bektemir tumanida joylashgan narkologik dispanserda giyohvandlikdan davolanishga yotqizilgan tanishini ko‘rish uchun kelgan va o‘zini shubhali harakatlari bilan ko‘zga tashlangan fuqaro “Qo‘riqlash” bo‘limi xodimlari tomonidan to‘xtatilgan.
Shundan so‘ng xodimlar tomonidan ushbu shaxs o‘rnatilgan tartibda tekshirilganda 30 yoshli fuqaro S. T ekanligi maʼlum bo‘lib o‘zi bilan olib kelgan paketdagi yashil skotch bilan mahkamlangan o‘ram nima ekanini tushuntirishdan bosh tortgan.
Xolislar ishtirokida o‘ram ochib ko‘rilganda esa uning ichida o‘ziga xos hidga ega jigarrang modda borligi aniqlangan.
Chaqiruvga asosan yetib kelgan Qo‘riqlash tezkor guruhi tomonidan ushbu fuqaro hududiy ichki ishlar boshqarmasiga olib kelingan. Hozirda mazkur holat yuzasidan IIB masʼul xodimlari tomonidan surishtiruv ishlari olib borilmoqda.
