Dehqon bozorlarida sanitariya talablariga qatʼiy rioya etish borasida tushuntirish ishlari olib borilmoqda.
Ayni kunlarda respublikamizdagi epidemiologik vaziyat biroz o‘zgarganligi sababli Maxsus komissiya qaroriga asosan fuqarolarning karantin qoidalariga rioya qilishlarini taʼminlash bo‘yicha Milliy gvardiya hamda masʼul vazirliklar hamkorligidagi profilaktik tadbirlar kuchaytirildi.
Albatta, bularning barchasi aholining salomatligini taʼminlash hamda koronavirus infeksiyasi tarqalishini oldini olishga qaratilgan. Bu kabi ishlar Buxoro va Qashqadaryo viloyatlarida jamoat joylari va, ayniqsa, dehqon bozorlarida fuqarolarning belgilangan talablarga rioya qilishlari, shuningdek savdo rastalarining maxsus himoya vositalari bilan jihozlash ishlari olib borilmoqda. Ushbu faoliyatni nazorat qilish va bozorlarning sanitariya holatini yaxshilash maqsadida Milliy gvardiya harbiy xizmatchi va xodimlari tomonidan dehqon bozorlaridagi sharoitlar bilan tanishib, savdo-sotiq bilan shug‘ullanuvchi tadbirkorlarimizga sanitariya talablariga qatʼiy rioya qilishlari to‘g‘risida tushuntirish ishlari olib borilmoqda.
