Chirchiq dala o‘quv poligonida Milliy gvardiya yosh harbiy xizmatchilari o‘rtasida “Mohir o‘qchi” ko‘rik-tanlovi o‘tkazildi
O‘zbekiston Respublikasi Milliy gvardiyasi bo‘linmalarida harbiy xizmatchilarning jismoniy va jangovar tayyorgarligini mustahkamlash. Yosh harbiy xizmatchilar bilan ustoz-shogird anʼanalarini davom ettirgan holda ularning otish tayyorgarligi bo‘yicha amaliy mashg‘ulotlarda merganlik mahoratlarini oshirish va egallagan bilimlarini mustahkamlashga alohida eʼtibor qaratilmoqda. Shu maqsadda Toshkent viloyati Chirchiq dala-o‘quv poligonida bo‘linmalardagi mergan bo‘lmagan yosh harbiy xizmatchilar o‘rtasida “Mohir o‘qchi” tanlovi o‘tkazildi. Dastavval ularning jismoniy tayyorgarligi va nazariy bilimlari sinovdan o‘tkazildi. Shundan so‘ng harbiy xizmatchilar guruhlarga bo‘lingan holda kunduzi va kechqurun merganlik o‘q otar qurolida otish bo‘yicha bellashuvlarda kuch sinashishdi. Har bir natija mutaxassislar tomonidan baholab borildi. Albata mazkur tanlovdan ko‘zlangan yana bir maqsad, harbiy xizmatchilar orasidan yaxshi natijalarni ko‘rsatayotgan mutaxassislarni saralab olish hisoblanadi.
