Yoshlar ishtirokidagi “Uch avlod uchrashuvi” va “Ochiq eshiklar kuni” tadbirlari, respublikamiz bo‘ylab davom ettirilmoqda
Milliy gvardiya Andijon viloyati bo‘yicha boshqarmasida Qo‘riqlash va Ichki ishlar boshqarmalari hamda O‘zbekiston Yoshlar ittifoqi Andijon viloyati Kengashi va Yoshlar ishlari agentligi hamkorligida viloyatdagi yoshlar va uyushmagan yoshlar ishtirokida “OCHIQ ESHIKLAR KUNI” o‘tkazildi. Unda "UCH AVLOD UCHRASHUVI" tashkil etilib faxriylarimiz tomonidan Milliy gvardiya faoliyati shu bilan birgalikda yurtimiz tinchligi va osoyishtaligi, fuqarolarimizni xavfsizligini taʼminlash yo‘lida olib borgan xizmatlari eʼtirof etildi.
Shundan so‘ng, yoshlarga Milliy gvardiya faoliyatiga oid videofilmlar namoyish etildi.
Shuningdek, yoshlarni vatanparvarlik hisini shakllantirish maqsadida qurol-aslaha hamda harbiy texnikalar ko‘rgazmasi “QO‘L JANGI” mahorat darslari namoyish etildi. Tadbir so‘ngida tadbir ishtirokchilari bo‘lgan yoshlar o‘rtasida sport musobaqalari tashkil etilib faol ishtirokchilar munosib taqdirlandi.
