EʼTIBOR VA G‘AMXO‘RLIK – INSONIY BURCH
O‘zbekiston Respublikasi Milliy gvardiyasi Ixtisoslashtirilgan o‘quv markazi shaxsiy tarkibi, Temurbeklar maktabi hamda ixtisoslashtirilgan musiqa akademik litsey o‘quvchilari bilan hamkorlikda Toshkent shahar Mirzo Ulug‘bek tumanida istiqomat qiluvchi Ikkinchi jahon urushi qatnashchilari Akmal ota Akromov va isteʼfodagi general mayor Abdullajon ota Artikbayevlar xolidan xabar olinib, esdalik sovg‘alar topshirildi.
Qahramonlarimiz boshidan kechirgan og‘ir damlarni eslar ekan, beixtiyor ko‘zlariga yosh olib, o‘quvchi yoshlarga hozirgi kunlarni qadriga yetib, mustahkam bilim olishlari uchun tilaklar bildirdilar.
Temurbeklar maktabi va musiqa litseyi tinglovchilari ijrosida ijro etilgan jonli kuy qo‘shiqlar faxriylar ko‘nglini ko‘tarib, ularga bir olam quvonch baxsh etdi.
Bu kabi tadbirlarning davomiyligi yosh avlodni vatanparvarlik ruhida tarbiyalab, buyuk ajdodlarga mos voris bo‘lib ulg‘ayishiga xizmat qiladi.
