EZGU MAQSAD SARI BIRLASHTIRGAN MARAFON
Milliy gvardiya Toshkent shahri bo‘yicha boshqarmasi tashabbusi bilan yoshlar o‘rtasida sog‘lom turmush tarzini tatbiq etish, ularni sportga bo‘lgan qiziqishlarini yana-da oshirish maqsadida "Biz sog‘lom turmush tarzi tarafdorimiz" shiori ostida Chilonzor tumani "Katta Qozirobod" mahallasida istiqomat qiluvchi qizlar o‘rtasida 1000 metrga yugurish marafoni o‘tkazildi. Dastlab ishtirokchilarga marafonda qatnashish tartib-qoidalari, baholash tizimi haqida maʼlumotlar berildi.
Shundan so‘ng, Abu Ali ibn Sino nomidagi Jamoat salomatligi texnikumidan start olgan marafonchilar "Katta Qozirobod" MFYgacha bo‘lgan masofani bosib o‘tishdi. Musobaqada havaskor qizlar jismoniy salohiyatini namoyon etib, ochiq osmon ostida belgilangan finish tomon tezlik bilan olg‘a borishdi.
Yuqori ruhda bo‘lib o‘tgan marafon ishtirokchilar tomonidan ijobiy baholandi va tadbir so‘ngida g‘oliblar diplom hamda esdalik sovg‘alari bilan taqdirlandi.
