YURT HIMOYASI VA OBODLIGI UCHUN VUJUDINI QALQON QILGANLAR DOIMO EʼZOZDA
9 may – Xotira va qadrlash kuni munosabati Ikkinchi jahon urushida jasorat ko‘rsatgan front orti faxriylari holidan xabar olish va ularni yod etish barcha uchun an’ana bo‘lib qolgan. Xususan, joriy yilning 4 may kuni Milliy gvardiya Toshkent viloyati Chirchiq shahri harbiy qism shaxsiy tarkibi tomonidan Chirchiq shahrida istiqomat qiluvchi urush faxriysi Vasiliy Mixaylovich Juchkov xolidan xabar olindi. 98 yoshni qarshi olgan ota Ikkinchi jahon urushida xizmatdoshlari bilan o‘tgan azobli va iztirobli kunlarni eslash, jang maydoni va uning sovuq nafasi, katta mashaqqatlar evaziga erishilgan buyuk g‘alaba shukuhini yodga oldi, xizmatdoshlarini esladi, undagi shijoat va tetiklik harbiy xizmatchilarni ruhlantirdi. Harbiylar sal kam bir asrni qarshi olgan Vasiliy Mixaylovich bilan bo‘lgan samimiy suhbat davomida Vatanga muhabbat, jasorat, mardlik va matonat kabi tushunchalarni yana bir bor teran angladi. Yurt tinchligi, musaffo osmondan nafas olishdek, buyuk ne’matlarni qadriga yetish o‘z vaqtida juda muhim ekanligi ota tomonidan alohida ta’kidlandi. Tashrif so‘ngida harbiy xizmatchilar ota uchun vatanparvarlik ruhidagi qo‘shiqlarni kuylab berdi.
