Hamkor vazirliklar bilan olib borilgan reyd tadbirida Buxoro tibbiyot kollejiga o‘qishga kiritib qo‘ymoqchi bo‘lgan firibgar qo‘lga olindi
Bosh prokuratura huzuridagi Departamentning Peshku tuman bo‘limi DXX Romitan tuman bo‘limi hamda Milliy gvardiya Buxoro viloyati bo‘yicha boshqarmasi xodimlari hamkorligida o‘tkazilgan tadbirda Vobkent tumanida yashovchi, 1981 y.t fuqaro Sh.N. fuqaro N.A.ni aldab, Buxoro tibbiyot kollejiga vakolatli tanishlari orqali uning 2 ta jiyanini 30 million so‘m evaziga o‘qishga kiritishni vaʼda qilgan. Buxoro shahridagi “Flagman” kafesida N.A.dan kelishilgan 30 million so‘m pullarning 5 mln 600 ming so‘m va 400 AQSH dollarini pora tariqasida olgan vaqtida ashyoviy dalillar bilan qo‘lga olingan.
Mazkur holat yuzasidan Departamentning Peshku tuman bo‘limi tomonidan, fuqaro Sh.N.ga nisbatan O‘z.R.JKning 168-modda 1-qismi bilan jinoyat ishi qo‘zg‘atilib, tergov harakatlari olib borilmoqda.