Har bir harbiy xizmatchi (xodim) – 10 tup daraxt” shiori ostida aksiyasi o‘tkazildi
Respublikamiz bo‘ylab “Har bir harbiy xizmatchi (xodim) – 10 tup daraxt” shiori ostida yashil maydon yaratish aksiyasi o‘tkazish va bu kabi ezgu say-harakatlarni keng ommalashtirish yuzasidan bir qator maqsadli ishlar amalga oshirilmoqda.
Jumladan, Milliy gvardiya Farg‘ona viloyati bo‘yicha boshqarmasi harbiy xizmatchilari tomonidan viloyatda joylashgan “O‘rda” va “O‘rmonbog‘” (Lesapark) hududlariga 100 tup pavloniya daraxti, biriktirilgan 6 va 33-sonli umumtaʼlim maktabi hududiga 100 tupdan ortiq manzarali va mevali daraxt ko‘chatlari hamda harbiy qism hududiga 200 tupdan ortiq turli manzarali va mevali daraxtlar ekildi.
