Xavfsiz maktab” konsepsiyasini keng joriy etish jarayonini zamonaviy axloqiy-psixologik metodikalari mavzusida O‘zbekiston Respublikasi Oliy Majlisining Bola huquqlari bo‘yicha vakili- Bolalar ombudsmani va Milliy gvardiya qo‘mondoni uchrashuvi bo‘lib o‘tdi. Unda sohaga oid hamkorlik masalalari muhokama qilindi
Milliy gvardiya Bolalar psixologiyasi markazi binosida Milliy gvardiya qo‘mondoni general-mayor R.Djurayev hamda O‘zbekiston Respublikasi Oliy Majlisining Bola huquqlari bo‘yicha vakili (Bolalar ombudsmani) S.Raxmonovaning uchrashuvi bo‘lib o‘tdi.
Unda Davlatimiz rahbarining “Voyaga yetmaganlar o‘rtasida qonunbuzarlik profilaktikasi tizimini takomillashtirish bo‘yicha qo‘shimcha chora-tadbirlar to‘g‘risida”gi Qaroriga muvofiq, “Xavfsiz maktab” konsepsiyasini keng joriy etish jarayonini zamonaviy axloqiy-psixologik metodikalari, o‘quvchi yoshlarni harbiy vatanparvarlik ruhida tarbiyalashning ilg‘or yutuqlari va axborot texnologiyalari asosida tashkil etishda kelgusidagi hamkorlik masalalari muhokama etildi.
Shundan so‘ng Bolalar psixologiyasi markazi faoliyati bilan ham yaqindan tanishilib, Markaz mutaxassislarining ilg‘or tajribalar asosidagi psixologik-pedagogik tarbiyalashning yangicha yondashuviga muvofiq, ota-ona qaramog‘idan mahrum bo‘lgan bolalar o‘rtasida turli ko‘rinishdagi ruhiy jarohatlar, xulq og‘ishlarni oldini olish hamda barvaqt profilaktika qilish borasidagi samarali ishlariga yuqori baho berildi.
Ushbu markaz xizmatidan unumli foydalanish borasidagi dolzarb masalalar va hamkorlik rejalari ham belgilab olindi.
