HUQUQNI MUHOFAZA QILUVCHI ORGANLAR O‘RTASIDA SPORTNING MINI FUTBOL TURI BO‘YICHA MUSOBAQA O‘TKAZILDI
Joriy yilning 12-13 aprel kunlari Samarqand viloyati huquqni muhofaza qiluvchi organlar xodimlari o‘rtasida sportning mini futbol turi bo‘yicha O‘zbekiston Respublikasi Milliy gvardiyasi Samarqand viloyati bo‘yicha boshqarmasi boshlig‘ining kubogi uchun musobaqa o‘tkazildi.
O‘zaro do‘stlik va sog‘lom raqobat muhitida o‘tgan musobaqada 11 ta jamoa vakillari ishtirok etdi.
Qizg‘in bellashuvlarga boy bo‘lgan mazkur musobaqada faxrli 3-o‘rin Milliy gvardiya Qo‘riqlash boshqarmasiga, 2-o‘rin Markaziy harbiy okrug jamoasiga nasib etgan bo‘lsa, mutloq g‘oliblikni viloyat Ichki ishlar boshqarmasi jamoasi qo‘lga kiritdi.
Musobaqa so‘ngida g‘oliblarga diplom, medal va qimmatbaho sovg‘alar topshirildi.
Bu kabi sport musobaqalarining muntazam o‘tkazilib borilishi, kelgusida harbiy xizmatchi va xodimlar o‘rtasida sog‘lom turmush tarzini targ‘ib qilib, ularning jismoniy va jangovar tayyorgarligini oshirishga xizmat qiladi.
