HUQUQNI MUHOFAZA QILUVCHI ORGANLAR O‘RTASIDA XXX SPARTAKIADA DASTURIDAGI XIZMAT KO‘PKURASH SPORT TURI BO‘YICHA G‘OLIBLAR ANIQLANDI
O‘zbekiston Respublikasi “Dinamo” jismoniy tarbiya va sport jamiyati Kengashining huquqni muhofaza qiluvchi organlar o‘rtasida XXX spartakiada dasturidagi Xizmat ko‘pkurash sport turi bo‘yicha musobaqalari o‘tkazildi.
Mazkur sport bellashuvida ishtirok etgan 10 ta jamoa sportchilari 100m, 1000m, 3000mga yugurish, turnikda tortinish va 100 metrga suzish bahslarida o‘zaro g‘oliblik uchun kuch sinashdi.
Ushbu tadbirning asosiy maqsadi, huquqni muhofaza qiluvchi organ xodimlarining jismoniy tayyorgarligini yana-da mustahkamlash hamda ular o‘rtasidagi jamoaviy sportni rivojlantirish va mahoratlarini yuksaltirishdan iboratdir.
Musobaqada 30-40 yoshgacha bo‘lgan va undan katta yosh toifalarida jamoada 7 nafardan ishtirokchi bellashuvlarga kirishdi. Yakuniy natijalarga ko‘ra Davlat xavfsizlik xizmati Chegara qo‘shinlari jamoasi uchinchi, Milliy gvardiya jamoasi ikkinchi, Davlat xavfsizlik xizmati jamoasi esa birinchi o‘rinlarni qo‘lga kiritdilar. G‘oliblarga tashkilotchilar tomonidan kubok, diplom, medal va estalik sovg‘alari topshirildi. Shuningdek, yakka tartibda ham g‘olib va sovrindorlar aniqlanib, munosib rag‘batlantirildi.
