INFORMATIKA VA AXBOROT TEXNOLOGIYALARI TO‘GARAGI TASHKIL ETILDI
Ayni kunlarda Respublika miqyosida Mehribonlik uyi tarbiyalanuvchilarining texnik ijodkorligini rivojlantirish, ularga buyuk tariximizni, arxeologik va madaniy meroslarimizni chuqur o‘rgatish hamda ekologiya va atrof-muhit muhofazasi sohasidagi asosiy bilimlarini takomillashtirish maqsadida turli to‘garaklar o‘z faoliyatini boshladi.
Xususan, O‘zbekiston Respublikasi Milliy gvardiyasi “Qo‘riqlash servis” UK Navoiy viloyati filiali hamda Navoiy viloyati Qo‘riqlash boshqarmasi hamkorligida “Kompyuter savodxonligi” to‘garagi tashkil etilib, hozirgi kunda ushbu to‘garakda 10 dan ziyod yoshlar o‘z bilim va ko‘nikmalarini oshirib kelmoqda.
Tarbiyalanuvchilar mashg‘ulotlar davomida kompyuter savodxonligini hamda internetdan foydalanish madaniyatini chuqur o‘zlashtirib, malakali mutaxassis xodimlardan ofis dasturlarida ishlash, sayt yaratish, internet tarmog‘idan kerakli maʼlumotlarni izlash, kompyuterni sozlash yo‘nalishlari bo‘yicha taʼlim olmoqda.
O‘tkazilayotgan bu kabi amaliy va nazariy o‘quv mashg‘ulotlari yosh avlodning kompyuterning kelib chiqish tarixi, maqsad va vazifalari to‘g‘risida keng tushunchalarga ega bo‘lishiga zamin yaratmoqda.
