JAMOAVIY ULOQ-KO‘PKARI MUSOBAQASINING RESPUBLIKA BOSQICHI QIZIQARLI VA MUROSASIZ BELLASHUVLAR OSTIDA YAKUNLANDI
Oldin xabar berganimizdek, joriy yilning 22 dekabr kuni Farg‘ona viloyatida davom etayotgan “O‘zbekiston yoshlari forumi – 2021” haftaligi doirasida “Jamoaviy uloq-ko‘pkari” musobaqasining Respublika bosqichi bo‘lib o‘tdi.
Ommaviy sayl tarzida bo‘lib o‘tgan tadbir davomida yoshlar o‘rtasida Milliy kurash va etnik sport turlari bo‘yicha musobaqalar, osh festivali, harbiy texnikalar ko‘rgazmalari ham namoyish etildi.
Ilk marotaba o‘tkazilgan Jamoaviy uloq ko‘pkari musobaqasini tamosha qilish uchun mahalliy va qo‘shni viloyatlardan tashrif buyurgan mehmonlar shuningdek, 5000 nafardan ziyod yoshlar ishtirokidagi mazkur musobaqa yakuniy natijalariga ko‘ra, 3-o‘rinni Samarqand viloyati jamoasi, 2-o‘rinni Toshkent viloyati jamoasi va faxrli 1-o‘rinni Andijon viloyati jamoasi chavondozlari qo‘lga kiritdilar. Musobaqa g‘oliblari va faol ishtirokchilari tashkilotchilar tomonidan munosib rag‘batlantirildi.
