Jizzaxda qo‘l telefonlarini o‘g‘irlamoqchi bo‘lgan shaxs ashyoviy dalillar bilan qo‘lga olindi
Joriy yilning 12 oktyabrdan 13 oktyabrga o‘tar kechasi soat 01.13 larda Baxmal tumani “Qo‘riqlash” bo‘limining texnik qo‘riqlash markaziga O‘smat shaharchasi H. Olimjon ko‘chasida joylashgan telefon aksessuarlari savdosi bilan shug‘ullanuvchi do‘konidagi “tashvish” signali ishlab ketgani haqida xabar kelib tushdi. Voqea joyiga zudlik bilan “Qo‘riqlash” boshqarmasining tezkor harakatlanuvchi guruhi yetib keldi. Xodimlar do‘kondan umumiy qiymati 105 million so‘m bo‘lgan 30 dona turli rusumdagi uyali telefonlarini o‘g‘irlamoqchi bo‘lgan vaqtida, Baxmal tumanida yashovchi 18 yoshli O.U. ni qo‘lga oldi.
Qo‘lga olingan shaxs qonuniy chora ko‘rish uchun ichki ishlar organlariga topshirildi.
