MUSTAHKAM OILA - JAMIYAT POYDEVORI
Kuni kecha Milliy gvardiya Toshkent shahri bo‘yicha boshqarmasi tasarrufidagi harbiy qismda oilalarda maʼnaviy-axloqiy muhitni yaxshilash, sog‘lom turmush tarzi va farzandlar tarbiyasiga bo‘lgan yondashuvlarni namunali darajada ko‘tarishga qaratilgan tadbir o‘tkazildi.
Tadbirda harbiy xizmatchi va ularning oila aʼzolari ishtirok etib, unda har bir oilaning huquq va manfaatlarini to‘liq ro‘yobga chiqarish, ular uchun munosib turmush sharoitini yaratish, oilaviy munosabatlar muvozanatini taʼminlash, oilalar farovonligini oshirish hamda ularni qo‘llab-quvvatlash borasida alohida tushunchalar berildi.
Shuningdek, ishtirokchilarga inson hayotida muhim omil sanalgan taʼlim-tarbiya avvalo oiladan boshlanishi, qolaversa, oila tinch, mustahkam va farovon bo‘lsagina, jamiyatda rivojlanish bo‘lishi haqida alohida taʼkidlanib, bunga o‘zimizning munosib hissamizni qo‘shmoq, fuqaro sifatida barchamizning burchimiz ekanligi yana bir bor eslatildi.
