"Mehr kuchli bo‘lishi kerak, kuch esa Mehrda” mavzusida amaliy seminar mashg‘uloti bo‘lib o‘tdi.
Milliy gvardiya Ixtisoslashtirilgan o‘quv markazida yetim va ota-ona qaramog‘idan mahrum bo‘lgan bolalardagi emotsional va ruhiy holatida bo‘ladigan o‘zgarishlarni o‘z vaqtida aniqlash profilaktikasi yuzasidan “Mehr kuchli bo‘lishi kerak, kuch esa Mehrda” mavzusida amaliy seminar mashg‘uloti bo‘lib o‘tdi.
Seminar-treningda mehribonlik uylariga biriktirilgan Milliy gvardiya psixolog mutaxassislari va SOS -O‘zbekiston bolalar mahallalari psixologlariga oliy toifali konsultant psixolog Popova Natalya Valeryevna tomonidan mehribonlik uyi tarbiyalanuvchilari bilan qanday ishlash kerakligi, yondashuvlarning metodologiyasi bo‘yicha mashg‘ulotlar olib borildi. Seminar bevosita bolalarning ruhiyatini o‘rganishga qaratilgan o‘yin tarzidagi treninglar bilan davom etdi.
Bu kabi hamkorlikdagi mashg‘ulotlarning muntazam o‘tkazilishi psixologlarning yana-da o‘z ustilarida ko‘proq ishlashi va tajribalarining ortishiga zamin yaratmoqda.
