MEHRIBONLIK UYLARIDA MEHNAT YARMARKALARI TASHKIL ETILDI
Hozirgi kunda mehribonlik uyi tarbiyalanuvchilarini bandligini taʼminlash masalalari davlat hamda jamiyat uchun muhim ahamiyatga ega.
Bu borada Fargʻona viloyati Milliy gvardiya hamda Qoʻriqlash boshqarmalari tomonidan samarali ishlar amalga oshirilmoqda. Jumladan, kuni kecha Fargʻona va Qoʻqon mintaqasidagi Mehribonlik uyi bitiruvchilarini ish bilan taʼminlash maqsadida mehnat yarmarkasi tashkil etildi.
Viloyat hokimligi, Harbiy prokuratura, Bandlikka koʻmaklashish markazi hamda qator tashkilotlar bilan hamkorlikda oʻtkazilgan mazkur yarmarkada 50 dan ortiq korxona va xususiy tadbirkorlik subyektlari oʻzlarida mavjud boʻlgan 2000 dan ortiq boʻsh ish oʻrinlari bilan ishtirok etdi.
Tadbirda barcha Mehribonlik uyi bitiruvchilarini ish bilan taʼminlash boʻyicha amaliy yordam koʻrsatildi.
Shuningdek, tadbir doirasida yoshlar bilan davra suhbati oʻtkazilib, ularni qiynab kelayotgan ijtimoiy-iqtisodiy muammolar tinglandi hamda ularni bartaraf etish chora tadbirlari ishlab chiqildi.
