“Milliy gvardiya qoʻshinlarida jangovar va maxsus tayyorgarlik boʻyicha amalga oshirilayotgan islohotlar, mavjud muammo va takliflar” mavzusida ilmiy-amaliy konferensiya oʻtkazildi
Unda Milliy gvardiya qoʻmondonligi, Mudofaa va Ichki ishlar vazirliklari mutasaddi rahbarlari, Milliy gvardiyaning hududiy boʻlinmalari, taʼlim muassasalari va harbiy qism komandirlari ishtirok etishdi.
Mazkur ilmiy-amaliy konferensiya va amaliy mashgʻulotlar Milliy gvardiya Toshkent shahar boʻyicha boshqarmasi va Chirchiq shahrida joylashgan oʻquv dala poligonida tashkillashtirildi. Unda mavzuga oid masalalar xorijiy tajribalardan kelib chiqqan holda muhokama qilinib, bir qator vazifalar belgilab olindi.
