Milliy gvardiya Navoiy viloyati bo‘yicha boshqarmasining dala o‘quv poligonida harbiy xizmatchilar bilan navbatdagi o‘quv-yig‘ini bo‘lib o‘tdi
Bugungi kunda Milliy gvardiya bo‘linmalarida jangovar va maxsus tayyorgarlik yo‘nalishida, zamonaviy xavf-xatar va tahdidlar inobatga olingan holda, harbiy xizmatchilarni yakka hamda guruh tarkibida jangovar vazifalarni bajarishlariga, shuningdek o‘ziga va sherigiga birinchi tibbiy yordam ko‘rsatish bo‘yicha bilim va ko‘nikmalarini oshirishga alohida eʼtibor qaratilmoqda.
Xususan, Milliy gvardiya Navoiy viloyati bo‘yicha boshqarmasi shaxsiy tarkibi bilan o‘tkazilgan o‘quv-yig‘in mobaynida ham, bo‘linmalarga yuklatilgan jangovar vazifalarni samarali bajarilishini takomillashtirish, shaxsiy tarkibni jangovar va maxsus tayyorgarlik bo‘yicha amaliy tayyorgarligini oshirish, mutaxassislarning professional tayyorgarligini yana-da mustahkamlash, shuningdek ilg‘or xorijiy tajribalarni o‘rgatishga qaratilgan kompleks mashg‘ulotlar tashkillashtirildi.
O‘quv-yig‘in yakunida barcha egallangan bilim-ko‘nikmalar muhokama qilinib, istiqbolli rejalar belgilab olindi.
