Milliy gvardiya Maʼnaviyat va maʼrifat markazida harbiy xizmatchi va xodimlar hamda ularning oila aʼzolari bilan ijtimoiy, huquqiy masalalarga qaratilgan navbatdagi uchrashuv o‘tkazildi. Tadbir so‘ngida tashrif buyurganlar hamda mahalliy aholi uchun sayyor qabullar tashkillashtirildi.
Mazkur tadbirda O‘zbekiston Respublikasi harbiy prokurorining birinchi o‘rinbosari adliya polkovnigi O.Xolboyev, Toshkent harbiy sudi raisi J.Raxmonov va Milliy gvardiya mutasaddi rahbarlari, poytaxtimizda xizmat qilib kelayotgan harbiy xizmatchi va xodimlar, shuningdek ularning oila aʼzolari ishtirok etishdi.
Uchrashuv davomida mutasaddilar tomonidan O‘zbekiston Respublikasi Prezidenti Shavkat Mirziyoyevning O‘zbekiston Respublikasi davlat mustaqilligining o‘ttiz ikki yilligiga bag‘ishlangan tantanali marosimdagi nutqi yodga olinib “Biz Vatanimiz mustaqilligi, xalqimiz tinchligini taʼminlashning ishonchli kafolati bo‘lgan Qurolli Kuchlarimiz salohiyatini oshirishga, harbiy xizmatchilar va ularning oilalari uchun yana-da munosib sharoit yaratishga alohida eʼtibor qaratamiz” degan so‘zlarining mazmun-mohiyati keng yoritib berildi.
Shuningdek, ayollarimiz zimmasida xizmat sohasidagi vazifasidan tashqari, farzandlar tarbiyasi, oilada sog‘lom muhitni mustahkamlash, maʼnaviy-tarbiyaviy anʼanalarni davom ettirishdek murakkab vazifalar ham borligi taʼkidlanib, mehribon opa-singillarimizni har tomonlama qo‘llab-quvvatlashga qaratilgan chora-tadbirlar tizimli yo‘lga qo‘yilishi taʼkidlandi.
Tadbir davomidagi tashkillashtirilgan sayyor qabulda xodimlarni ijtioiy qullab-quvvatlash masalalari, harbiy xizmatchilarning turmush o‘rtoqlari murojaatiga ko‘ra oliy taʼlim muassalarida o‘qish mobaynida farzandlik bo‘lganliklari bilan bog‘liq ijtimoiy masalalari o‘z yechimini topdi. Ushbu sayyor qabulda Markazga yaqin mahalliy aholi ham tashrif buyurib savollari yuzasidan huquqiy maslahatlar va ularning oson yechimi doirasidagi yo‘nalishlarni aniqlab olish imkoniga ega bo‘lishdi.
