MILLIY GVARDIYA BOSHQARMA BOSHLIG‘I KUBOGI O‘Z EGASIGA TOPSHIRILDI
Kuni kecha Surxondaryo viloyati Termiz shahrida istiqomat qiluvchi uyushmagan yoshlar o‘rtasida sportning "Mini futbol" turi bo‘yicha Milliy gvardiya Surxondaryo viloyati bo‘yicha boshqarmasi boshlig‘i kubogi uchun musobaqa tashkil etildi.
Qizg‘in va murosasiz bahslarga boy bo‘lgan musobaqa uch kun davom etib, unda o‘ttizdan ortiq mahallalar sharafini 300 nafarga yaqin yoshlardan tarkib topgan jamoalar himoya qildi. Hamjihatlikda to‘p surgan va jismonan chiniqqan yoshlar bo‘lsa, g‘oliblik uchun asosiy daʼvogarlardan bo‘lishdi. Bellashuv yakuniga ko‘ra 3-o‘rinni “Jo‘yjangal” mahallasi jamoasi , 2-o‘rinni bo‘lsa, "Eski shahar" mahallasi egalladi. Musobaqa Kubogini o‘yinda o‘zini yuqori mahoratiga ega bo‘lgan “Baynalminal” mahalla yoshlari qo‘lga kiritdi.
Musobaqa so‘ngida barcha g‘olib va sovrindorlarga diplom va esdalik sovg‘alari taqdim etildi.
Bu kabi musobaqalar yoshlarning bir maqsad sari birlashtirib, ular o‘rtasida sog‘lom turmush tarzini ommalashtirishga xizmat qiladi.
