Mamlakatimizda yoshlarning huquq va manfaatlarini himoya qilish, ularga zarur shart-sharoitlar yaratib berish va malakali kadr bo‘lib yetishishlari uchun berilayotgan keng imkoniyatlardan to‘g‘ri foydalanishga yo‘naltirish borasida muayyan ishlar amalga oshirilmoqda. Xususan, poytaxtimizda tashkil etilgan Milliy gvardiya va yoshlar ishtirokidagi press klub ham shular jumlasidandir. Bitiruvchi talabalarni kasbga yo‘naltirish hamda tashkil etilgan Jamoat xavfsizligi universiteti faoliyati to‘g‘risida batafsil maʼlumot berish maqsadida o‘tkazilgan ushbu uchrashuv savol-javoblarga boy tarzda o‘tdi.

Yoshlar bilan kechgan ochiq muloqot davomida mutaxassislar tomonidan o‘quvchilarni va ommaviy axborot vositalari xodimlari tomonidan berilgan savollarga javob berish bilan bir qatorda yoshlarning muammo va takliflari diqqat bilan tinglandi va ularning yechimini hal etishga qaratilgan chora-tadbirlar shu joyning o‘zida belgilab olindi.

Asosiysi talabalar o‘qishni tamomlagandan so‘ng mutaxassisliklari bo‘yicha keyingi faoliyatlarini davom ettirish borasida keng tushunchalarga ega bo‘ldilar. Shuningdek, anjumanda nafaqat bunday uchrashuvlar, balki xizmat faoliyati bilan ham bevosita tanishtirish borasida media turlar tashkil etilishi ham aytib o‘tildi.

Press klub so‘ngida faol yoshlar tashakkurnoma bilan taqdirlanib, ularga esdalik sovg‘alar topshirildi.

Tadbirning badiiy qismida Milliy gvardiya Maʼnaviyat va maʼrifat markazi Ashula va raqs ansambli xonandalari tomonidan kuy-qo‘shiqlar ijro etildi. Shuningdek, 23-sonli mehribonlik uyi tarbiyalanuvchilari tomonidan tayyorlangan qo‘l mehnati mahsulotlaridan tashkil etilgan ko‘rgazma ham talaba yoshlar xotirasida iliq taassurotlar qoldirdi.