Mirzo Ulug‘bek tumanida jinoyat sodir etganligi uchun qidiruvda bo‘lgan shaxs qo‘lga olindi
Toshkent shahar IIBB navbatchilik qismidan olingan xabarga ko‘ra, Mirzo Ulug‘bek tumani “Qo‘riqlash” bo‘limi tezkor guruh xodimlari tomonidan Ziyolilar va Sayram ko‘chalari chorrahasida joylashgan “Korzinka” supermarketida jinoyat sodir etganligi uchun qidiruvda bo‘lgan shaxs qo‘lga olindi.
Maʼlumot uchun: Fuqaro G‘.Sh O‘zbekiston Respublikasi JKning 168-moddasi 4-qismi “a” bandida nazarda tutilgan (“Firibgarlik”) jinoyatni sodir etganligi uchun O‘zbekiston Respublikasi IIV tomonidan joriy yilning 24 mayidan boshlab qidiruvga berilgan.
Qo‘lga olingan shaxs tegishli tartibda Mirzo Ulug‘bek tumani IIBga topshirildi.
