MOSKVA ShAHRIDA OT SPORTINING KONKUR YO‘NALISHI BO‘YICHA BO‘LIB O‘TGAN “EVROOSIYO KUBOGI” XALQARO TURNIRIDA O‘ZBEKISTON CHAVANDOZLARI OLTIN MEDALNI QO‘LGA KIRITDI
Joriy yilning 7-10 oktyabr' kunlari Rossiya Federatsiyasining Moskva shahrida joylashgan "Maxima stables" Ot sport klubida ot sportining konkur yo‘nalishi bo‘yicha YevroOsiyo kubogi bo‘yicha xalqaro turnir bo‘lib o‘tdi. Unda O‘zbekiston terma jamoasi chavandozlari munosib ishtirok etib, musobaqa kubogini qo‘lga kiritdi.
Mazkur xalqaro musobaqaning yakuniy natijalariga ko‘ra, Bekzod Qurbonov "King Kornet L" laqabli oti bilan musobaqaning mutloq chempioni deb topildi. Shuningdek, Milliy gvardiya ot sporti bo‘yicha Respublika oliy sport mahorati maktabi sportchi chavandozlari Umid Kamilov “Nero Uno Rafael” laqabli otida faxrli ikkinchi o‘rinni egallab, kumush medal' sohibi bo‘lgan bo‘lsa, A'zam Tolibboev o‘zining “Ledi” laqabli oti bilan xalqaro sportchilar o‘rtasida faxrli to‘rtlikdan joy oldi.
Chavandozlarimizning qo‘lga kiritgan ushbu natijalari halqaro turnirda yuqori baxolandi.
Milliy gvardiya qo‘mondonligi va shaxsiy tarkibi nomidan O‘zbekiston yilqichilik va ot sporti federatsiyasi jamoasiga o‘z minnatdorchiligimizni bildirib, sportchi chavandozlarimizning erishgan ushbu g‘alabasi va zafarli natijalari bilan samimiy muborakbod etamiz.
