“MUQADDASDIR VATAN BAYROG‘I”
O‘zbekiston Respublikasi Milliy gvardiyasi Ixtisoslashtirilgan o‘quv markazi shaxsiy tarkibi hamda markazda taʼlim olayotgan tinglovchilari ishtirokida “O‘zbekiston Respublikasi Davlat bayrog‘i to‘g‘risida”gi qonun qabul qilinganligining 30 yilligi munosabati bilan “MUQADDASDIR VATAN BAYROG‘I” shiori ostida maʼnaviy-maʼrifiy tadbir bo‘lib o‘tdi.
Tadbirga tashrif buyurgan mehmonlar bayroqning kelib chiqish tarixi, mustaqil vatanimiz bayrog‘ining yaratilish tarixi, buguni va hozirda dunyo arenalarida, BMT bosh qarorgohi binosi oldida hilpirab turgani, sportchilar, olimlar hamda boshqa kasb egalari dunyoda o‘z yurti bayroqlarini hilpiratgan vaqtda inson qalbi g‘ururga to‘lishini aytib o‘tdilar.
Shoir Bobur Bobomurod Davlat ramzlari, vatanparvarlik ruhidagi aytgan sheʼrlari tadbir qatnashchilarida juda iliq taassurot qoldirdi.
Tadbirdan so‘ngida Tashrif buyurgan mehmonlar O‘quv markazning taʼlim infratuzilmasi, o‘quv faoliyati va jarayonlari, sinf xonalari, huquqni muhofaza qiluvchi idoralar va harbiy tuzilmalar uchun kadrlar tayyorlash va qayta tayyorlash tizimi hamda amaliy balandlik ishg‘ol tayyorgarlik mashg‘ulotlari bilan tanishdilar.
