Fuqarolar tinchligi va ularning xavfsizli doim nazoratda
Surxondaryo viloyati Milliy gvardiya boshqarmasi tomonidan Ichki ishlar idoralari xodimlari bilan hamkorlikda jamoat tartibini saqlash, fuqarolar xavfsizligini taʼminlash, huquqbuzarliklarga chek qo‘yish va jinoyatlarning oldini olishga qaratilgan chora-tadbirlarda yoshlar ham faol ishtirok etmoqda.
Kuni kecha Oltinsoy tumani yoshlari Harbiy xizmatchi va xodimlarning tungi patrul xizmat faoliyati bilan yaqindan tanishdi. Patrul yo‘nalishlariga chiqishdan oldin “Qo‘riqlash” va Ichki ishlar boshqarmasi rahbarlari tomonidan brifing o‘tkazilib, ularning vazifalari va vakolatlari tushuntirildi. Yosh avlodning o‘zlari aytganidek, qonun va tartibni saqlashda hech kim chetda turmasligi kerak. Xodimlarning asosiy vazifasi tun vaqtida bezorilik qiladigan,jamoat joylarida spirtli ichimliklar ichadigan, yo‘l harakati qoidalariga rioya qilmaydigan yoki boshqa huquqbuzarliklarni sodir etadigan yoshlar bilan tushuntirish ishlari olib borish va profilaktik suhbatlar o‘tkazishdir.
