Namangan shahar yoshlari ishtirokida maʼnaviy-maʼrifiy tadbir bo‘lib o‘tdi.
Kuni kecha Milliy gvardiya Namangan viloyati bo‘yicha boshqarmasida Milliy gvardiya qo‘mondoni o‘rinbosari polkovnik S. Mamayusupov hamda Yozuvchilar uyushmasi raisining o‘rinbosari B.Ergashevlar ishtirokida maʼnaviy-maʼrifiy tadbir o‘tkazildi.
Tadbir davomida bugungi kunda dunyo hamjamiyatida ro‘y berayotgan voqealar, tahlikali vaziyatlar yurtimiz osoyishtaligi va rivojiga salbiy taʼsir ko‘rsatmasligi uchun har bir fuqaro ayniqsa, yoshlar o‘z fuqarolik pozitsiyasiga ega bo‘lishi, vaziyatni to‘g‘ri va xolisona baholay olishi, axborot xurujlari va turli tashqi kibermakonlardan kirib kelishi mumkin bo‘lgan provokatsion maʼlumotlarga qarshi immunitet shakllantirish zarurligi taʼkidlandi.
Shundan so‘ng, davra suhbati tadbir mehmoni Yozuvchilar uyushmasi raisining o‘rinbosari B.Ergashevning sheʼriy to‘rtliklari hamda muddatli harbiy xizmatchilar va iqtidorli harbiylar tomonidan ijro etilgan kuy-qo‘shiqlar bilan yakunlandi.
