NAVRO‘Z -MILLIY ANʼANALAR VA YANGILANISH AYYOMI
Umumxalq bayrami hisoblangan Navro‘z - milliy o‘zligimizning ajralmas qismidir. Ushbu kun azal-azaldan insonlar qalbiga shodu hurramlik olib kelishi bilan birga, yaratuvchanlik zavqi va shijoatini uyg‘otib, barchani yangi-yangi zafarlarga chorlab kelgan. Yurtimiz bo‘ylab bayram arafasida o‘tkaziladigan turli tantanali marosimlar, qiziqarli sayllar hamda bellashuvlarning o‘tkazilishi bo‘lsa, anʼanaga aylanib ulgurgan. Xususan, Xorazm viloyatida ham huquqni muhofaza qilish organlari o‘rtasida sportning “Armrestling”, “Kurash” turlari hamda milliy o‘yinlarimizdan "Arqon tortish", "Tosh ko‘tarish" bo‘yicha qizg‘in bahslar bo‘lib o‘tdi.
Murosasiz kechgan bellashuvlarda ishtirokchilar g‘oliblik uchun kurashdilar.
Bayramona ruhda o‘tgan mazkur musobaqa yakunida sovrindorlar tashkilotchilar tomonidan munosib taqdirlandi.
