“MILLIY LIBOSLAR” KO‘RGAZMASI VA “OMAMDAYIN MEHRIBON VATAN” MAVZUSIDAGI MILLIY QO‘SHIQLAR ENG YAXSHI IJROCHISI TANLOVI G‘OLIBLARI ANIQLANDI
Milliy gvardiya Maʼnaviyat va maʼrifat markazida “Biz bir bo‘lsak - yagona xalqmiz, birlashsak - Vatanmiz!” g‘oyasi asosidagi yoshlar “Maʼnaviyat marafoni” doirasida dast avval milliy xalq o‘yinlarimizdan arqon tortish, milliy kurash, kamondan otish, tosh ko‘tarish, ot sporti kabilardan musobaqalar tashkillashtirildi. Shundan so‘ng barcha “Milliy liboslar” ko‘rgazmasiga taklif etildi. Tadbirda Milliy gvardiya qo‘mondonligi, Respublika Maʼnaviyat va maʼrifat markazi vakillari, sanʼatkorlar va yoshlar ishtirok etishdi. Milliy qadriyatlarimizni o‘zida aks ettirgan “Milliy liboslar” ko‘rgazmasida 10 nafar qizlarimiz respublikamiz viloyatlariga xos bo‘lgan liboslarni namoyish etishdi.
Tadbir “Odamdayin Mehribon Vatan” mavzusidagi milliy qo‘shiqlar eng yaxshi ijrochisi tanlovi bilan davom ettirildi. Milliy gvardiya bo‘linmalarida xizmat qilayotgan xodimlar professional sanʼatkorlardan qolishmagan tarzda jonli ravishda ashulalarni kuyladi. Mutaxassislar tanlov ishtirokchilarini baholar ekan, ularning barchasini isteʼdodli ekanligini taʼkidlashdi. Yakunda “Milliy liboslar” ko‘rgazmasi va milliy qo‘shiqlar eng yaxshi ijrochisi tanlovi bo‘yicha ishtirokchilar tashkilotchilar tomonidan munosib rag‘batlantirildi.
