O‘g‘rilik qilishga uringan shaxs ashyoviy dalillar bilan Milliy gvardiya harbiy xizmatchilari tomonidan qo‘lga olindi
Joriy yilning5 avgustdan 6 avgustga o‘tar kechasi soat 2.55 da Sirdaryo viloyati Oqoltin tumani texnik xavfsizlik markaziga "Yangi Davr" mahalla fuqarolar yig‘inida joylashgan maishiy texnika do‘konidan “tashvish” signali kelib tushdi.
Voqea joyiga yetib borgan, tezkor harakatlanuvchi guruh xodimlari do‘konning orqa qismidagi deraza panjarasi buzilgani va bino ichida nomaʼlum shaxs borligini aniqlashgan. O‘g‘irlik maqsadida do‘konga noqonuniy kirishda gumon qilingan shaxs qo‘lga olinib, Oqoltin tumani IIB navbatchilik bo‘limiga topshirilgan.
Olib borilgan dastlabki surishtiruv mobaynida ushbu gumonlanuvchi shaxs 23 yoshli mahalliy fuqaro M.N ekanligi maʼlum bo‘lgan.
