Olmazor tumanida do‘kondan turli buyumlar o‘g‘irlaganlikda gumon qilingan shaxs ushlandi.
Joriy yilning 17 iyun kuni soat 14:06 da Olmazor tumani “Qo‘riqlash” bo‘limiga Nozimaxonim ko‘chasida joylashgan “Aziya Xidoyat“ MCHJga qarashli Gastronom do‘konidan “tashvish” xabari kelib tushgan. Mazkur xabarga asosan THG xodimlari voqea joyiga yetib borgan.
Do‘kon xodimlarining so‘ziga ko‘ra ular do‘kondan mahsulotlarni yashirin ravishda olib chiqib ketmoqchi bo‘lgan ona va voyaga yetmagan qizni payqagach tashvish tugmasini bosgan.
Olib borilgan tezkor chora-tadbirlar natijasida “Qo‘riqlash” bo‘limi hamda ichki ishlar organi xodimlari tomonidan o‘g‘irlikda gumon qilingan fuqarolar qo‘lga olingan.
Olmazor tumani IIB xodimlari tomonidan o‘tkazilgan tergovga qadar tekshiruv davomida 38 yoshli fuqaro A.D. bir oy davomida yashirin ravishda mazkur do‘kondan turli buyumlarni o‘g‘irlab ketganligi aniqlanib, umumiy zarar miqdori 40 million so‘mdan oshganligi maʼlum bo‘lgan. Shu bilan birga,fuqaro A.D voyaga yetmagan qizini ham bu ishga ishlarga jalb qilgan.
Mazkur holat yuzasidan tergov ishlari Olmazor tumani IIB TB tomonidan olib borilmoqda.
