9 may-Xotira va qadrlash kuni munosabati bilan Sardoba fojialarida qahramonlarcha halok bo‘lgan, Milliy gvardiya harbiy xizmatchisi Suyarov Xusniddin Zokirovichning Sirdaryo viloyati Boyovut tumanida tahsil olgan 4-sonli umumtaʼlim maktabida byusti o‘rnatildi va bugun tantanali ochilish marosimi bo‘lib o‘tdi.
Mazkur tadbirda viloyat hokimi, huquqni muhofaza qiluvchi idoralar rahbarlari, harbiy xizmatchi va ularning oila aʼzolari, keng jamoatchilik vakillari hamda yoshlar ishtirok etdi. Tadbirda so‘z olganlar qahramonimizni ko‘zlarida yosh bilan xotirlar ekan, uning ko‘rsatgan jasorati kelajak avlod uchun haqiqiy ibrat namunasi va abadiy o‘chmaydigan, buyuk sahifa bo‘lib qolganini taʼkidladilar. Shundan so‘ng, Xusniddin Suyarov xotirasini abadiylashtirish maqsadida bunyod etilgan byust poyiga tantanali ravishda gulchambar qo‘yildi.