POYTAXTIMIZDA 15 MAY KUNI "MEN G‘OLIB" SHIORI OSTIDA BO‘LIB O‘TGAN SPORT MARAFONINING G‘OLIBLARI ANIQLANDI
Joriy yilning 15 may kuni "Men g‘olib" shiori ostidagi sport marafonining ikkinchi bosqichi bo‘lib o‘tdi va unda Milliy gvardiya sportchilari ham munosib ishtirok etishdi. Mazkur musobaqaning professional sportchi ayollar o‘rtasidagi “Mutloq kategoriyasi” 10 km.ga yugurish bo‘yicha 1- o‘rinni Jamoat xavfsizlik universiteti ofitseri Alina Xakimova qo‘lga kiritgan bo‘lsa 3 - o‘rin Milliy gvardiya Sirdaryo viloyati bo‘yicha boshqarmasi harbiy xizmatchisi kichik serjant Moxira Niyozovaga nasib qildi.
Shuni alohida taʼkidlash joizki, musobaqaning harbiy xizmatchi ayollar (havaskor) sportchilar o‘rtasida 1-o‘rin sohibasi Milliy gvardiya Sirdaryo viloyati bo‘yicha boshqarmasi harbiy xizmatchisi kichik serjant Moxira Niyozova deb topildi.
Safdoshlarimizni mazkur g‘alaba bilan, Milliy gvardiya qo‘mondonligi va shaxsiy tarkibi nomidan samimiy muborakbod etamiz!
Marafon mobaynida sportchilarimiz va tashrif buyurgan kuzatuvchilar xavfsizligi hamda jamoat tartibi Milliy gvardiya Toshkent shahri bo‘yicha boshqarmasi harbiy xizmatchi tomonidan to‘liq taʼminlandi.
