"Salomatlik uchun 5000 qadam aksiyasi" bo‘lib o‘tdi
Samarqand shahrida "Qurolli Kuchlar tashkil topganligining 30 yilligi hamda 14 yanvar Vatan himoyachilari kuni" bayrami munosabati bilan yoshlarda harbiy vatanparvarlik va insoniylik tuygʻularini shakllantirish, xalq va armiya yakdilligini yanada mustahkamlashga qaratilgan "Xalq bilan armiya - bir tanu bir jon" shiori ostida "Salomatlik uchun 5000 qadam" ommaviy piyoda yurish marafoni boʻlib oʻtdi.
Shaharning Alisher Navoiy koʻchasidan Mirzo Ulugʻbek koʻchasigacha boʻlgan masofani Milliy gvardiya harbiy xizmatchilari, Qoʻriqlash xizmati, Ichki ishlar xodimlari va Mudofaa vazirligi harbiy xizmatchilari va boshqa tarkibiy tuzilmalar hamda keng jamoatchilik vakillaridan iborat 3000 nafardan ortiq insonlar katta kuch va gʻayrat ila bosib oʻtishdi.
Yurish marafonidan soʻng salomatlikni mustahkamlashga qaratilgan badantarbiya mashgʻulotlarini olib borishdi. Bu kabi tadbirlar viloyatimizning barcha tumanlarida davom etmoqda.
